出發

對上一家人一齊去旅行已經係10年前, 今次心血來潮東歐之旅也預上兩老一份。 今次選坐大部份人覺得唔太穩陣o既華航, 說真我已搭過好幾次, 並唔覺得有咩可怕, 印象還不錯呢。

先坐晚上七點幾o既機去台北, 到達台北差唔多10點, 再轉11點幾o既機去維也納, 幸好等候時間不長, 台北T2等轉機處非常正呢。 一如以往, 華航o既坐位, 餐飲, 服務都令我地十分滿意, 比昂貴o既國泰還要好呢。 出發前幫兩老點了海鮮餐, 食得佢地非常開心, 長長o既13個鐘飛行時間對我黎講本應好難過, 但佢有個pantry位俾人企下, 野飲野食任用, 時間並不難過就到達維也納。

到達維也納為清晨5點幾, 入境頗為嚴謹, 我地行慣江湖當然無問題啦, 前面果位就好唔好彩(排O係佢後面我都好唔好彩), 就算過左關佢都俾人截住要去第二處繼續審查。 而我地出左關就直接前往市區先往BOOK好o既APARTMENT check-in。

BACK!

期待已久O既東歐之旅終於完結, 估唔到咁驚險, 太多事發生, 旅程未如想像般開心, 一言難盡, 慢慢再組織下先....

忙

近排非常的忙, 忙約會, 忙教公司新人o野, 忙交低工作o既手尾, 忙全家大旅行事宜, 全家自由行真是一件不容易的事, 因為同父母去跟是朋友唔同, 很多o野都要安排得好好, 唔想到時先搵地方搵交通, 或者跟團係比較好呢! 還有兩天就出發, 希望此行一切平安順利吧! 短短14日旅程就錯過了曼聯今季最重要o既賽事, 此場三場關乎曼聯o係4歐冠同英超o既前途, 缺少我o既支持下佢地一定要全數勝出呀!

WELCOME HOME, BECKS!

知道曼聯要對AC開始已經一直等待呢刻出現, 由開波當晚已經輾轉反側, 唔係怕曼聯會輸, 係怕自己知到BECKS回歸而唔屬於曼聯o既事實一再出現。 來不及親眼o係奧脫福見証碧咸為曼聯披甲係我一世o既遺憾, 8年後重現呢幕已經人面全非, 佢o既對手變左曼聯了。

一如所料曼聯球迷俾佢英雄式o既歡迎, 後備入場一刻全場掌聲雷動, 我還以為自己眼花, 看見碧咸眼泛淚光, 以我多年睇佢經驗佢唔係一個易喊o既人, 曼聯o既球迷實在太好了, 事隔多年都唔會忘記佢o既貢獻。 接住一個勁射, 幾個傳中都令我心跳加速, 雖然對手係曼聯, 我依然想佢入波, 向全世界証明佢仲有能力立足的。 短短20幾分鐘好快過去, 賽果我並不關心, 只恨有線咁快去廣告, 我好想多看佢幾眼, 睇佢同球迷o既互動, 接受球迷o既歡呼, 給球迷送上拍掌, 與昔日隊友寒暄, 拿起曼聯頸巾的一刻, 每一幕我都要深深記住....

新年好開始!

估唔到新年過無久就有好消息, 公司最討厭o既人終於走喇! 佢竟然有人請, 我地非常感激請佢果間公司, 幫我地除大害, 實在係三贏局面。 係人都知正常辭職需要一個月通知, 而佢通知完老細即刻答應, 並且三日後走人, 兼唔洗佢賠錢, 三日可以交完所有工作, 可想而知佢o既重要性有幾大? 只要送走瘟神, 再多O既工作我都願意接下, 心情好得想放煙花呢! 虎年好事陸續有來!

新年快樂!

做左呢間公司咁多年, 第一次得閒返去食年夜飯, 全廠共一百二十圍, 好不熱鬧。 加上抽獎, 令車間工人十分興奮, 故我叫少爺就算抽到我都唔好公佈, 機會還是留俾工人吧! 原本打算只留兩日一夜, 到第二日幾位司機都大醉, 無人揸車送我返香港, 故被迫多留一晚。 連續兩晚同工廠同事去卡拉ok劈酒玩樂, 俾人狂隊之下仍能力保不失, 果然寶刀未老, 哈! 工廠同事十分玩得, 笑聲不斷, 加上老細o既大利是, 此行收獲甚豐!

BAD NEWS

公司有著最討厭o既人, 一直都好想佢走, 見佢成日o係公司搵工, 衷心希望佢有更好發展, 阻人發達猶如殺人父母嘛。 不過試問除左我地邊間公司會請個遲到早退, 曠工, 盲字都唔識多個o既人? 搵工希望落空, 點知更失望o既跟住黎, 有高層竟然同我講, 縱使佢紀律如何差, 公司都唔會主動炒佢, 只有等佢搵到自己離職, 天啊! 咁豈不比我中六合彩更難? 聽到呢個消息令我消沉o左好一段時間, 返工提唔起勁, 學左佢遲到早退唔返o既習慣, 既然公司都話呢d可以接受, 我唔享受下咪好蝕?